Skip to main content

Kulunka Teatro konpainia 2010ean sortu zuten, Hernanin (Gipuzkoa), Garbiñe Insausti eta José Dault aktoreek, bi-biak Madrileko Arte Dramatikoaren Errege Goi-Eskolako formakuntza akademikodunak eta antzerki-ibilbide zabalekoak.

Askotariko hizkuntza eszenikoekin esperimentatzeko grinak eta horiek ikusle mota guztien zerbitzura jartzeak akuilatu zituen taldea sortzeko. Antzerki bizia, oraingoa, konprometitua eta errealitateari lotua.

Hamar urteko ibilbidean, Kulunka Teatrok bide egin du Espainiako konpainia nagusien artean, eta nazioartean oihartzun azpimarragarriko egitura sendoa da orain. Bere ekoizpenen mila bat emanaldi egin dira 30 herrialdetan, eta gure mugen barruko zein gure mugez haragoko konpainiaren entzutearen eta onarpenaren erakusgarri da haren sari-zerrenda garrantzitsua.

Erronka hori gauzatu ahal izateko, kolaboratzaile-talde egonkorra dauka Kulunkak, eta horiei beste izen batzuk batu zaizkie proiektu bakoitzaren beharren arabera.

1000
Ezaugarriak

30 Herrialde

Erregistro garrantzitsuak gure mugen barruan eta kanpoan

José Dault

Ko-fundatzailea eta aktorea

(Zaragoza, 1976)
Interpretazioan lizentziaduna Madrilgo Arte Dramatikoaren Errege Goi-Eskolan (2007). Trebatzen jarraitu zuen Philippe Gaulier, Mar Navarro, Will Keen, Arianne Moushkine, Andrés Lima, Alfredo Sanzol, Alvaro Tato, Veronique Norday eta Yayo Cáceres-en eskutik.
Aktore aritu da Gato Negron, Aragoiko Zentro Dramatikoan, Tranvía Teatron,
Perez de la Fuente Producciones-en, LaSed Teatron eta Focus-en. 2010an bere konpainia propioa sortu zuen: Kulunka Teatro.

Ekoizlea, ko-egilea eta aktorea, “André eta Dorine” eta “ Solitudes” ikuskizunetan/ ko-zuzendaria “Edith Piaf, Taxidermia de un Gorrión” ikuskizunean.

Garbiñe Insausti

Ko-fundatzailea eta aktorea

(Hernani, 1981)
Arte Dramatiko eta Musika-terapia ikasketak egin ditu, Madrilgo Arte Dramatikoaren Errege Goi-Eskolan eta UNED-en, hurrenez hurren; eta ahotsaren patologietan aditua da, Alcaláko Unibertsitatean. Trebatzen jarraitu zuen La Abadia Antzokian eta Sevillako TNT-n. Hauek izan zituen maisu: Mar Navarro, Hernán Gené, Carlos Aladro, José Luis Gómez, Veronique Norday, Ricardo Iniesta, Alfonso Zurro. Frantzian, Italian eta Polonian ere zabaldu du bere prestakuntza, Philippe Gaulier, Arianne Mouchkine, Antonio Fava eta The song of the Goat konpainiaren eskutik.
Hainbat konpainiatan aritu da, hala nola Imprebís, Yllana, Atalaya, Gato Negro… konpainietan, eta 2010ean berea sortu zuen: Kulunka Teatro. Munduko 30 herrialdetik gora ibiltzen ditu orain harekin, biraz bira.

2017an Finalista izan zen Max Sarietan, Emakumezko Aktore Protagonista Onenaren kategorian, EDITH PIAF, Taxidermia de un gorrión ikuskizunean egindako lanagatik. Antzerkigintzan egiten duen lanarekin batera, abeslari ere aritzen da, eta artista entzutetsu ugarirekin lan egin du, hala nola Kepa Junkerarekin, Iñaki Salvadorrekin eta Batumiko Orkestra Sinfonikoarekin.

Ekoizlea, ko-egilea, aktorea eta maskaren sortzailea “André eta Dorine” eta “Solitudes” ikuskizunetan/ Aktorea “Edith Piaf, Taxidermia de un Gorrión” antzezlanean.

Iñaki Rikarte

Egilea eta zuzendaria

(Vitoria-Gasteiz, 1981)
Madrileko Arte Dramatikoaren Errege Goi-Eskolako lizentziaduna da. Aktore aritu da CDN zentroan eta CNTC konpainian, eta, besteak beste, zuzendari hauek izan ditu gidari: Ernesto Caballero, Eduardo Vasco, Alfredo Sanzol, Fernando Bernués, Ana Zamora eta Ignacio García May. Gurean, Tanttaka konpainian lan egin du erregularki. Horrez gain, dozena bat ikuskizun zuzendu du hainbat talderentzat (Joven CNTC, El desdén con el desdén; Kulunka Teatro, André eta Dorine, Solitudes, QuitamiedoS; Teatro Paraíso, Pulgarcito, ÚniKo…).
Jaso dituen sarien eta izendapenen artean hauek nabarmentzen dira: finalista 2018ko Max Sarietan, Gizonezko Aktore Protagonista Onenaren kategorian, 2020ko “josé Luis Alonso” Saria, Zuzendari Berrien kategorian (ADEk ematen duen saria) eta finalista 2020ko Max Sarietan, Eszena Zuzendaritza Onenaren kategorian.

Ko-egilea eta zuzendaria, “André eta Dorine” eta “Solitudes” ikuskizunetan/ Egilea eta zuzendaria, “QuitamiedoS” ikuskizunean.

Edu Cárcamo

Aktorea

2004an interpretazioan lizentziatu zen Madrilgo Arte Dramatikoaren Errege Goi-Eskolan. Ordudanik aldi berean aritzen da aktore moduan eta askotariko proiektu profesionalen mugimendu-aholkulari gisa (Espainiako Antzerki Klasikoko Konpainia, Ventrículo Veloz, Teatro de La Esquirla, Karkik Danza Teatro...).
2010ean Kulunka Teatro konpainian sartu zen André eta Dorine antzezlana sortzeko. Ikuskizunak ez du bere ibilbidea agortu eta, Solitudes lanarekin batera, 30 herrialdetik gora ibili dituen eta aitormen garrantzitsuak jaso dituen biran jarraitzen du.

Aktorea eta ko-egilea, “André eta Dorine” eta “Solitudes” ikuskizunetan.

Rolando Sanmartín

Zuzendari laguntzailea

(Chileno/Español 1972)
Zuzendaria eta dramaturgoa da, antzerkigintzan, zirkuan, dantzan eta performancean. Hainbat konpainiatan eta ekoiztetxetan lan egin du. Hauek dirahorietako batzuk: Yllana, Tragaleguas, Teatro Español, Ana Pasadena Konpainia, Kulunka Teatro, Espainiako Zentro Dramatikoa (CDN), Teatro Circo Price, Si Acaso Teatro, Psirc Konpainia, Mono Habitado konpainia. Twisting the Balance konpainiaren sortzaileetako bat da.
Zirkua, antzerkigintza eta performanceak kontuan hartuta, 30 ikuskizunetik gora zuzendu ditu azken urteetan, eta bere lanetako askok sariak jaso dituzte; esaterako, 2008ko Errebelazio Ikuskizun onenaren Max Saria -Desde lo invisible lanagatik-, Bilboko 2014ko Act-Festivaleko lehen saria, Silbatriz Ponsekin batera -Episodio 8 ikuskizunagatik-, eta Valladolideko Kale Antzerki eta Arteen Nazioarteko Jaialdiaren OFF saileko Ikuskizun Onenaren Saria -Circo Deriva konpainiarentzat egindako Ya es tiempo de hablar del amor antzezlanagatik-.

Zuzendari laguntzailea eta ko-egilea,“André eta Dorine” eta “Solitudes” ikuskizunetan.

L A N K I D E T Z A

K U L U N K A T E A T R O

Alberto Huici

Aktorea

Arte Dramatikoaren Errege Goi-Eskolan testu-interpretazio espezialitatean lizentziaduna. Aurretik, Teatro de Cámaran trebatu zen, hori ere Madrilen. Musika-hizkuntza, tronpeta, gitarra eta kantu formakuntza jaso zuen Errenteriako Musika Goi Kontserbatorioan. Hainbat generoko ikuskizunetan parte hartzen du, Espainiako Zentro Dramatikoarekin eta Espainiako Antzerki Klasikoko Konpainiarekin, eta antzerki konpainia independenteetan (esaterako, Metatarso, LaSed Teatro, El Gato Negro, Katubeltz eta Kulunka).

Aktorea, “Edith Piaf, Taxidermia de un gorrión” eta “André eta Dorine” ikuskizunetan.

Rebeca Matellán

Aktorea

Keinu bidezko Interpretazioan lizentziaduna da (RESAD, 2009), eta antzerkigintzako hainbat profesionalekin trebatzen jarraitu du gero. Hauek dira horietako batzuk: Alfredo Sanzol, Laila Ripoll, Claudio Tolcachir, Marcos Morau, Claudia Faci, Aitana Cordero, Jeremy James, Will Keen, Andrés Lima, Ernesto Caballero, Mario Gas eta Vicky Peña, La Abadía Antzokia eta SNDO (Amsterdam). Helburu berarekin aritu da mugimendua ikertzeko eta aztertzeko hainbat laborategitan, Camille Hanson, Vincent Bozek, Daisy Phillips eta Lucas Condró-rekin.
Aktore aritu da CDNko hainbat ekoizpenetan, Andrea D’Odoricoren zuzendaritzapean, eta askotariko konpainia eta kolektibotan, esaterako, Cuartoymitad Teatro, Sleepwalk Collective, Alberto Cortés eta Grumelot-en. La Fura dels Baus konpainiarekin ere lan egin du performance ugaritan.
Gaur egun, La Intemerata konpainiako kidea da, eta bertan sortu eta ekoitzi ditu Roberto Bolañoren Una novelita lumpen, La donna immobile (Antzezpen Onenaren Saria eta Ikuskizun Onenaren Saria X Cenit Sariketan), Lucientes eta Federco García Lorcaren Aleluya Erótica.

Telebistan Cuéntame, La que se avecina, Centro médico eta El comisario telesailetan lan egin du.

Kulunka Teatron aktore aritzen da 2015 urteaz geroztik, “André eta Dorine” ikuskizunean.

Lola Casamayor

Aktorea

Lola Casamayor Madrilgo Arte Dramatikoaren Errege Goi-Eskolan trebatu zen. 2008an Madrilgo María Guerrero saria eman zioten Marat-Sade eta Presas lanetako antzezpenagatik. Antzerki-ibilbide luzea du. Antzerki independentetik dator, eta hainbat ekoizpenetan parte hartu du; Andrea D´Odoricoren, Tomás Gayoren, Animalarioren, PTC-ren, Méridako Antzokiaren, Teatro de la Zarzuelaren, Teatro Españolen eta Espainiako Zentro Dramatikoaren (CDN) ekoizpenetan, hain zuzen ere. Espainia osoa (eta noizean behin AEB eta Paris) ibili du biraz bira, besteak beste, zuzendari hauek gidatutako ikuskizunetan: Ernesto Caballerok, Andrés Limak, Natalia Menéndezek, Eduardo Vascok eta Luis Luquek.

Aktorea, “EDITH PIAF, Taxidermia de un gorrión” antzezlanean.

Laura García-Marín

Aktorea

Keinu bidezko Interpretazioan lizentziaduna (RESAD, 2012). Bere formakuntza zabaldu zuen, hainbat profesionalen gidaritzapean. Hauek dira horietako batzuk: Fabio Mangollini (Artearen Komediari buruzko Nazioarteko Ikastaroa, Italia), Jesús Esperanza (“Ateneo de Madrid” Eskrima Eskolako zuzendaria eta irakaslea) eta Elías Cohen (Experimental Dance, KIM-en. Berlin). Polonian eszena-eskrima ikuskizun bat taularatu zuen Poloniako “The Gdansk Shakespeare Theatre” antzokia inauguratzeko. Almagroko Antzerki Klasikoaren Jaialdian ikusi ahal izan genuen La boba para los otros y discreta para sí (LaFinea Teatro konpainia) antzezlanean. IRÚ Teatro (argi beltzezko antzerkia) eta ImproImpar (antzerki inprobisazioko konpainia) konpainietako kide ere bada.

Kulunka Teatron aktore aritzen da 2018 urteaz geroztik, “Solitudes” ikuskizunean.

JESÚS BARRANCO

Aktorea

Ángel Gutiérrez maisuak trebatu zuen eta, 2000 urteaz geroztik, ohiko aktorea da Madrilgo La Abadía Antzokian. Noizean behin, Espainiako Zentro Dramatikoaren (CND) aktore-zerrendan ere agertzen da. Gaur egun Kulunka Teatro konpainiaren QuitamiedoS antzezlanaren birarekin batera, sorkuntza lanak egiten ditu Armadillo www.colectivoarmadillo.blogspot.com, Números Imaginarios eta Las Torneras kolektiboetan. Blenamiboá konpainiaren fundatzaileetako bat da, eta aktore aritu da Madrilgo hainbat konpainiatan. Arte eszenikoei buruzko Transatlántico 2000-06 (Espainia-Txile) eta Cities-Théâtre du Mouvement 1998-99 (Espainia-Frantzia) nazioarteko ikerketa-proiektuetan parte hartu zuen. Antzezpen eta mugimendu ikastaroak ematen ditu entrenamendu zentro independenteetan, hala nola El Umbral de Primavera-n. Fedón izenpean ikerketa-proiektu bat koordinatu zuen 2004tik 2010era http://www.ophelia.es/fedon/ eta, gaur egun, El primo de Saint Tropez izenpean, Arte Bizien eta klausura monastikoaren arteko loturak ikertzen dihardu.

Aktorea, “QuitamiedoS” ikuskizunean.

LUIS MORENO

Aktorea

Aktore lizentziaduna da (RESAD), eta Socrates Beka jaso zuen, Londresko Middlessex Unibertsitatean Performing Arts ikasketak egiteko. La Abadia Antzokian trebatzen jarraitu zuen 2003 eta 2017 urteen artean. Hogeita hamar muntaketa profesionaletan baino gehiagotan parte hartu du, bai klasikoetan, bai garaikideetan, batzuk Rakatá eta FuSOrenak, eta hainbat zuzendarirekin lan egin du. Hauek dira horietako batzuk: Dan Jemmett, Alfredo Sanzol, Lawrence Boswell, Carles Alfaro, José Luis Gómez, Carlos Aladro, Sergi Belbel, Luis Miguel Sintra, Flotats eta Ana Zamora. Bere testuak, egokitzapenak edo sorkuntza kolektiboak idazten, ekoizten eta zuzentzen ditu Les Felices bere konpainian.

Aktorea, “QuitamiedoS” ikuskizunean.

IKERNE GIMENEZ

Jantzi eta eszenografia diseinatzailea

(Bilbo 1979)
Historia ikasketak egin zituen Deustuko Unibertsitatean eta Eszenografian lizentziaduna da Madrilgo RESAD-en (Espainiako Arte Dramatikoaren Errege Goi-Eskola). Eszenografia- eta jantzi-diseinatzaile aritu da hainbat antzerki zuzendarirekin, ekoizpen pribatu nahiz publikoetan. Hauek dira zuzendari horietako batzuk: Will Keen, Ernesto Caballero, Mathias Simons, Carles Alfaro, Alfredo Sanzol eta Miguel del Arco. Horrez gain, Espainiako Zentro Dramatikoaren (CDN) eta Espainiako Antzerki Klasikoaren Konpainiaren ekoizpenetan lan egin du, besteak beste.

ADEren figuringintzako Adriá Gual saria jaso zuen Avaricia, lujuria y muerte lanagatik (CDN, 2009), eta 2020eko figuringile onenaren Max Saria ere eman zioten lan beragatik. 2007ko Errebelazio Konpainiaren Max Saria irabazi zuen, Desde lo invisible ikuskizunean egindako lan plastikoagatik, eta 2016an, Eszenografia Onenaren Fetén Saria, Circo de la luna lanagatik.

Jantzi diseinatzailea, “André eta Dorine” ikuskizunean/ Eszenografia eta jantzi diseinatzailea, “Solitudes”, “Edith Piaf, Taxidermia de un Gorrión“ eta “QuitamiedoS” ikuskizunetan.

CARLOS SAMANIEGO “SAMA”

Argiztapen diseinatzailea

Arte Eszenikoetako argiztapen eta soinu espezialista da, 15 urtetik gorako eskarmentu profesionalduna. Zuzendari teknikoa, argiztapen diseinatzailea eta mahai teknikaria izan da estatu barruko eta nazioarteko biretan, eta maila handiko hainbat antzerki eta dantza konpainiarekin lan egin du. Hauek dira horietako azkenak: 9 de 9 Teatro, D` Click Konpainia, Trayectos Nazioarteko Dantza Jaialdia eta, noski, Kulunka Teatro. Egun, bidaiatzeari utzi dio eta Zaragozako Principal Antzokiaren plantillako teknikaria da.

Argiztapen diseinatzailea eta teknikaria, “André eta Dorine” eta “Solitudes” ikuskizunen biretan.

JAVIER RUÍZ DE ALEGRÍA

Argiztapen diseinatzailea

Formakuntza artistiko dramatikoa (William Layton Antzerki Laborategia, Philippe Gaulier, José Carlos Plaza, Arnold Taraborrelli, Miguel Narros…) eta plastikoa (Arte Ederretan lizentziaduna Madrilgo Complutense Unibertsitatean) ditu, eta horri formakuntza tekniko paraleloa erantsi behar zaio, pixkanaka eszenografia eta argiztapen diseinuan eta zuzendaritza teknikoan murgiltzen joan baita. Hainbat muntaketaren eszenografia eta argiztapena diseinatu ditu. Hauek dira azpimarragarrienak: Adan Black-ek zuzendutako Los Ultimos días de Judas Iscariote (2011), Fernando Soto-k zuzendutako Edith Piaf, Taxidermia de un gorrión (2016) eta Las Cervantas (2016), Ricardo Moya-k zuzendutako Viejos Tiempos (2012), eta Magüi Mira-k zuzendutako Festen (2017) eta La Marquesa de O. Espainiako Zentro Dramatikoko (CDN) zuzendari teknikoa izan zen 2012 eta 2016 urteen artean, eta VEO jaialdikoa 2009 eta 2011 urteen artean.

Diseñador de iluminación de “Edith Piaf, Taxidermia de un Gorrión” y “QuitamiedoS”.

YAYO CÁCERES

Musika konpositorea

(Corrientes, Argentina)
Ron Lalá antzerki, umore eta musika konpainiako zuzendaria da Yayo Cáceres. Berak zuzendu ditu konpainiaren ikuskizun guztiak. Hauek dira azkenak: Juan Rana (2020), Alcalá de Henaresen Don Juan jendetsuaren bi edizio (2018 y 2019), Crimen y telón (2017; Ikuskizun Onenaren eta Zuzendari Onenaren José Estruch Saria) eta Cervantina (CNTC/Ron Lalá, Max Saria Musika Ikuskizun Onenaren kategorian). Sor Juana Inés de la Cruz idazlearen Los empeños de una casa antzezlanaren zuzendaritzan parte hartu zuen (Espainiako Antzerki Klasikoko Gazte Konpainia, 2018). Ron Lalá konpainiaren ikuskizunez gain, hauek ere zuzendu ditu: Tragedia de Macbeth (RESAD, 2019), Todas hieren y una mata (2019), Comedia multimedia (2016) eta Álvaro Tatoren Ojos de agua (2014), Julieta Soriaren Mestiza (2018), Javix Bakmanen Holly is good eta Daniel Veroneseren Equívoca fuga.

Musikagiletzat lau album argitaratu ditu bakarka, eta kontzertu ugari ematen ditu Amerikan eta Espainian. Yendo / Entre orillas (Autografía argitaletxea, Juan Diego Bottoren hitzaurrea eta Óscar Grilloren irudiak) liburua argitaratu du. Musika egokitu, interpretatu eta zuzendu du, besteak beste, Yllana eta L´Om-Imprebís konpainientzat, filmetarako musika egin du eta estudioko zein zuzeneko musikari izan da Teresa Parodi eta Antonio Tarragó Ros-entzat, besteak beste.

“André eta Dorine” antzezlanaren musika konposizioa.

LUIS MIGUEL COBO

Musika konpositorea

2020ko Max Saria irabazi zuen Aracaladanza konpainiaren Play ikuskizuneko (Enrique Cabrerak zuzendua) musikagatik.
2018ko Max Saria irabazi zuen Kulunka Teatro konpainiaren Solitudes ikuskizuneko (Iñaki Ricartek zuzendua) musikagatik.
2016ko Max Sarirako izendatua izen zen, Los hermanos Karamazov ikuskizuneko (Gerardo Verak zuzendua) musikagatik.

Antzerkigintzan aritu denean, hauek izan ditu zuzendari, besteak beste: Miguel Narros, Natalia Menéndez, Ernesto Caballero, Luis Luque, Iñaki Rikarte, Salva Bolta, David Serrano, Juan C. Pérez de la Fuente, José Luis Gómez, Gerardo Vera, Carol López, Ana Zamora eta Alfredo Sanzol.

Dantzaren munduan ere aritu da hainbat koreograforekin, hala nola Sharon Fridman, Enrique Cabrera (Aracaladanza), Marcos Morau (La Veronal), Ángel Rojas (Nuevo Ballet Español), Carlos Martínez (Denada Dance Company), Mónica Runde (10&10Danza), Iván Pérez (NDT), Patrick da Bana eta Jean Charles Gil koreografoekin. Bere lanak Espainiako Dantza Konpainia Nazionalarekin (CND) eta Carte Blanche (Norvegia), Wiener Staatsballett (Austria) eta Ballet d'Europe (Frantzia) konpainiekin estreinatu ditu.

Musika konposizioa eta soinu espazioa, “Solitudes” eta QuitamiedoS” ikuskizunetan.

OZKAR GALÁN

Egilea

(Gernika, 1978)
Enkarguz lan egiten duen antzerkigilea da, eta esperientzia luzea du testu originalen eta egokituen sorkuntzan. Hogeita hamar bat lanen egile da, eta ohikoa da Madrilgo zirkuitu alternatiboan. Gaur egun, antzerki-teoria irakaslea da Dantzerti Euskadiko arte dramatiko eta dantza goi-mailako eskolan.

“EDITH PIAF, Taxidermia de un gorrión” antzezlanaren egilea.

FERNANDO SOTO

Zuzendaria

(Madrid, 1968)
Zuzendari eta aktorea, Arte Dramatikoan lizentziaduna (RESAD, 1992).

Aktore aritu da hainbat ikuskizunetan, hala nola La Abadía Antzokian, Espainiako Zentro Dramatikoan eta Teatro Español-en.

Zinemagintzan ere aritu da, besteak beste, zuzendari hauen gidaritzapean: Daniel Monzón (Celda 211), Paco León (Kiki), Ángeles González Sinde (Una palabra tuya, La suerte dormida), Imanol Uribe (Miel de Naranjas), Alberto Rodríguez (After), Eduardo Chapero Jackson (Verbo), Julien Leclerq (The Informant), Alex de la Iglesia (Balada triste de trompeta).

Zuzendu dituen lanen artean, hauek dira azpimarragarrienak: Rafael Spregelburd-en La Estupidez, Najwa Nimry, Carlos Dorrego eta Emilio Tomé-ren Drac Pack, Nick Payne-ren Constelaciones, José Ramón Fernández-en El minuto del payaso, José Ramón Fernández-en Babilonia, Jose Ramón Fernández eta Inma Chacón-en Las Cervantas, Harry Gibson-en Transpotting, Lars Von Trier-en filmean oinarritutako Bailar en la Oscuridad, José Manuel Mora-ren Autopsia, Ángeles González Sinde-ren Rulos eta Prohibido besar, Santiago Cortegoso-ren Hámster, Cristina Redondo-ren La virtud de la torpeza eta Delirare.

Mejorcita de lo mío eta Al final todos nos encontraremos (La Abadia Antzokian programatutako sorkuntza kolektiboa) ikuskizunen ko-egilea eta zuzendaria da.

Ko-zuzendaria, “EDITH PIAF, Taxidermia de un gorrión” ikuskizunean.

JOSE SÁNCHEZ

Teknikari laguntzailea

(Las Palmas Kanaria Handikoa 1965)
Arte dramatikoan eta eszenografian goi-mailako ikasketak egin ditu (RESAD 2008).
1986 urteaz geroztik aktore, animatzaile, txotxongilolari eta teknikari profesionala da, eta hainbat antzerki-konpainiatan lan egiten du; besteak beste, Gorgona Teatro Urbanon, Estudio Albahacan eta Teatro de la Lunan.

Teknikari laguntzailea

WILFRIED CALVO

Ekoizpen laguntzailea

Ikus-entzunezko komunikazioan lizentziaduna. Cuatro Cabezas ikus-entzunezko ekoiztetxean eman zituen lehen pausoak ekoizpenaren munduan. 2015ean KULUNKA TEATRO konpainiako ekoizpen departamentuan hasi zen lanean, atzerrian luze bizi, eta telebistarako hainbat ikus-entzunezko proiektutan parte hartu ondoren.

Konpainiako ekoizpen laguntzailea.

MARÍA DÍAZ

Prentsa arduraduna

Hainbat antzerki konpainia eta jaialditako prentsa arduraduna da. Hemen adibide batzuk: Kulunka Teatro, K producciones, L'Om Imprebis, La Estampida Teatro, Teatro En Vilo, Teatro del Noctámbulo, Txalo, Fernando Cayo, La Rota Producciones, Ron Lalá, Factoría Madre Constriktor, Sexpeare, Teatro El Zurdo, Concha Busto Producciones, PTC, TeatroLAB, Kubik Fabrik, Els Joglars, PasoAzorin Teatro, Micomicón, FEI, Wichita CO, Serena Producciones, Una hora menos, Come y calla, LaJoven, Vodevil, Karim eta La Caprichosa. Olmedoko eta Pastranako Jaialdietako prentsa arduraduna ere bada.
Barco Piratako kidea eta prentsa-arduraduna. Pabellón 6-ko kide fundatzailea (Bilboko gune eszenikoa). Guía Gastrocómica liburuaren egilea. Kolaboratzailea da Que me estás contando (EITB), Está pasando (Telemadrid) eta Madrid Trabaja (Onda Madrid) saioetan.
Aurretik, kolaboratzaile izan da Onda Cero, Cadena Ser, RNE, TVE, Antena 3 eta Telecinco komunikabideetan.

Konpainiako prentsa arduraduna.

MIKEL INSAUSTI

Kudeatzailea, AEBn

(Hernani, 1972)
Bere ibilbidearen zatirik handiena eredu ekonomiko jasangarri bat sustatzen eman du, Naturarentzako Mundu Fondoan (WWF), Bruselan, Brasilian eta Asuncionen, lehenik; eta Kutxa Fundazioan (Donostia), gero, Kutxa Ekogunea zentroaren zuzendari. Dozenaka iritzi artikulu eta erreportaje argitaratu ditu euskal komunikabideetan, bai idatzietan, bai irratian. Bidaiei, argazkilaritzari eta idazteari dien zaletasunak eraman zuen 2020an bere lehen liburua argitaratzera. Gaur egun, Kutxa Literatura Sariak eta Kutxa Fundazioaren argitalpenak kudeatzen ditu. 2018az geroztik Kulunkaren Tour USAren kudeatzailea da.

Konpainiaren kudeatzailea, AEBn.

ISIS ABELLÁN

Banaketa

PROVERSUS bere jarduera estatuko eta nazioarteko sektore eszenikoan garatzen duen Madrileko enpresa bat da.

Zerbitzu hauek ematen ditu, antzerki- eta kultura alorrean: banaketa, ikuskizunen ekoizpena, ekitaldien kudeaketa eta proiektuen garapena.

Zerbitzu horiek era pertsonalizatuan eta profesionalean ematen ditu, eta lan serio eta arduratsua egingo dutenaren bermea.

Enpresaren muin-muinean daude defendatzen eta garatzen dituen ikuskizunen arte-esentzia zaintzeko eta errespetatzeko interesa eta beharra; kalitatezko produktuak eskaintzeaz gain, ikuslearen interesa eta, azken finean, kultura eta artea sustatzeko.

LA CÍA DE LA LUZ

La Cía de la Luz S. Coop. Mad arte eszenikoen eta ikuz-entzunezkoen esparruko teknikari profesionalen kolektibo bat da, eta helburu du esperientziak partekatzea eta partaidetzazko lantaldeak eratzea. Xede du sare profesional bat sortzea, kide guztientzat mesedegarria eta denak zainduak sentitzeko modukoa izango dena.

Kooperatibaren azken helburuak, beraz, hezkuntzarekin eta kulturarekin lotutako konnotazioak ditu, eskaintzen dituen zerbitzuei dagokienez; bai eta konnotazio sozialak ere, haren langileei ematen dien babesa kontuan hartuta.

Zerbitzu teknikoa, “André eta Dorine” eta “Solitudes” ikuskizunetan.